Кыргыз Республикасынын Снайпинг федерациясы — Кыргызстандагы PRS уюмунун расмий өнөктөшү

«Кыргыз Республикасынын Снайпинг федерациясы» коомдук бирикмеси Кыргыз Республикасында Precision Rifle Series (PRS) уюмунун расмий жана эксклюзивдүү өнөктөшү статусун алганын сыймыктануу менен билдирет.

PRS уюмунун расмий катына ылайык, биздин федерация Кыргызстан аймагында PRS сериясындагы мелдештерди уюштуруу жана өткөрүү укугуна ээ болгон жалгыз расмий PRS Affiliate катары таанылды.

Кыргыз Республикасынын Снайпинг федерациясынын башкармалыгынын төрагасы Айдар Океновдун комментарийи:

«Бул өнөктөштүк биздин федерациянын мүчөлөрү үчүн жаңы мүмкүнчүлүктөрдү ачат. Биз Кыргызстанда PRS дисциплинасы боюнча мелдештерди өткөрө баштайбыз, ошондой эле спортчуларыбызга эл аралык рейтингдик системанын алкагында дүйнө жүзүндөгү PRS мелдештерине катышууга шарт түзөбүз. Бул Кыргыз Республикасындагы жогорку тактыктагы атууну өнүктүрүүдөгү маанилүү кадам болот деп ишенебиз».

Kahles компаниясынын өкүлү Paulius Vilpsauskas мырзага Кыргыз Республикасынын Снайпинг федерациясы менен PRS ортосундагы бул кызматташтыкты уюштурууга көрсөткөн колдоосу жана жардамы үчүн өзгөчө ыраазычылык билдиребиз.

Жакынкы убакта Федерация PRS Kyrgyzstan расмий матчтарынын календарын жана спортчуларды даярдоо программасын сунуштайт.