Кыргызстан Снайпинг федерациясынын курама командасы 11–14-сентябрда Италиянын Ливорно шаарында өткөн «KAHLES 2025»
Кыргызстан Снайпинг федерациясынын курама командасы 11–14-сентябрда Италиянын Ливорно шаарында өткөн «KAHLES 2025» эл аралык финалдык мелдештеринде (DLR жана PRS дисциплиналары боюнча) өлкөнү ийгиликтүү таанытты.
📍 «KAHLES 2025» DLR финалы (11–12-сентябрь)
«Arcate» аткычтык полигонунда дүйнөнүн 20 өлкөсүнөн келген 51 катышуучу чогулду.
Биздин жыйынтыктар:
☑️ «Аскер» категориясында А.Б күмүш медаль тагынды.
☑️ Алдыңкы ондукка дагы Витхен Евгений жана Зуев Сергей кирди.
✨ Жыйынтык орундар:
- 8-орун – Витхен Евгений
- 10-орун – Зуев Сергей
- 15-орун – А.Б
- 16-орун – К.К
- 17-орун – Зуев Михаил
- 23-орун – Сеитниязов Камилжан
- 34-орун – Миррахимов Ильзат
📍 Италия улуттук PRS чемпионатынын финалы (13–14-сентябрь)
Бул мелдешке 16 өлкөдөн 71 спортчу катышты.
☑️ «Аскер» категориясында К.К үчүнчү орунду ээледи.
✨ Жыйынтык орундар:
- 21-орун – Зуев Сергей
- 25-орун – К.К
- 43-орун – Миррахимов Ильзат
- 44-орун – Зуев Михаил
- 46-орун – А.Б
- 49-орун – Витхен Евгений
- 51-орун – Сеитниязов Камилжан
Катышуучулардын пикирлери
К.К:
«Биринчи мелдештер оор болду: ар бир 10 ок атуу боюнча көнүгүүлөргө болгону 90 секунд убакыт берилди, ал эми старттык позициядан атчу чекитке чейинки аралык чоң эле. DLR дисциплинасында көбүнчө 7–8 гана ок чыгарууга жетишчүбүз, сейрек учурда – толук 10. Так бутага алуу үчүн көп учурда убакыт тартыш болду. Бул мелдештер кандай каталарды оңдоо керектигин, эмнелерди өркүндөтүү зарылдыгын жана аскердик шарттарда кайсы көндүмдөрдү колдонууга болорун көрсөттү.»
ФСКРнын башкы калысынын пикири:
«12–14-сентябрда Кыргызстандын Снайпинг федерациясынын командасы Италиянын Ливорно шаарына барып, эл аралык мелдештерге катышты. 12-сентябрда «KAHLES 2025» кубогунун финалы өтүп, анда 20га жакын өлкөнүн мыкты аткычтары күч сынашты. Мелдеш абдан кызыктуу жана мазмундуу өттү, уюштуруучулар чыныгы аткычтык майрам тартуулашты. «Аскер» категориясында биздин аткыч А.Б экинчи орунду алды, ал эми эки спортчубуз алдыңкы ондукка кирди.
13–14-сентябрда PRS дисциплинасы боюнча Италия чемпионатынын финалы болуп өттү. Ага Европанын алдыңкы спортчулары, жалпы 70тен ашуун катышуучу катышты. 16 кызыктуу көнүгүү аткарылып, биздин спортчулар мыкты даярдыктарын көрсөтө алышты. «Аскер» категориясында К.К үчүнчү орунду ээледи.
Албетте, бул — эл аралык деңгээлдеги баа жеткис тажрыйба, анын ичинде уюштуруучулук жагынан да. Ошондой эле чет элдик спортчулар менен байланыш түзүлүп, алардын айрымдары Кыргызстанга келип биздин мелдештерге катышууну пландап жатышат. Уюштуруучуларга чыныгы аткычтык майрам үчүн ыраазычылык билдиребиз!»
